KIA сәнді спорттық седан K9 дайындап жатыр
Оңтүстік Кореяның KIA Motors компаниясы люкс спорттық автомобильдердің мүлдем жаңа сегментіне енуді жоспарлап отыр. World Car Fans сайтының инсайдерлік ақпаратқа сілтеме жасап хабарлауынша, K9 кодтық атауы бар сәнді спорттық седанның алғашқы эскизін KIA бас дизайнері Питер Шрейер Сеулдегі дизайн конференциясында көрсеткен. Конференцияда инсайдерлер түсірген заңсыз фотосуреттердің сапасыздығына қарамастан, K9 эскизі үлкен әсер қалдырады. Әйгілі Audi TT-нің «әкесі» ретінде танымал жаңа модельді жасаушы K9 ең алдымен АҚШ нарығына арналғанын және V-тәрізді сегіз цилиндрлі қозғалтқыш пен сегіз жылдамдықты автоматты беріліс қорабын алатынын айтты.
KIA Motors компаниясының сәнді жаңалығы туралы қосымша ақпарат кейінірек пайда болады. Біз тек спорттық седанның нарыққа 2011 жылы шығатынын қоса аламыз, ал K9 негізгі бәсекелестері Audi A8 және BMW 7-Series болуы мүмкін.
